هتكلم النهاردة عن قـــــــــــــــــــــــاعدة   60/30/10 في السوشال ميديا ماركتنج 

طبعا مستغربين ايه الأرقام دي ,, دي مش عدد بوستات ولا عدد لايكات ولا كونتات حتى

دي نســب مئوية %

طيب لازمتها ايه ؟
- النسب دي هي نسب محتوي بوستات البيدج (content)
- محتوي أي بيدج في العالم بينقسم ل3 نسب مئوية في الأغلب
مش شرط يكونوا 60-30-10 بس دي أشهر واحدة

ندخل بقى على أول نسبة (60%) 
دي هي نسبة المحتوى الرئيسي للبيدج , أهداف الشركة أو الProduct أو الشئ اللي البيدج معمولة عشانه , أتكلم عنه وأشرح تفاصيله مع اختلاف طريقة البوست طبعا 

الـ (30%) 
ودي بتكون بوستات "قريبة" لشغلنا وليها علاقة بيه زي معلومات عامة , مقارنات مثلا وهكذا 

الـ (10%) 
ودي أصغر نسبة لأن المحتوي فيها ملوش علاقة بأي حاجة تبع الشغل بتاعنا يعني مثلا ممكن تنزل كوميك مضحك وخلاص , مبروك للأهلي , أي حاجة بس مرة كل أسبوعين تلاتة مثلا 

طبعا مش شرط النسب دي تكون ثابتة فيه بيدجات بتشتغل بنسبة 45/45/10 وفيه بيدجات تانية بتشتغل بنسبة 50/50/0 , بتبقى على حسب يعني 

بس 60/30/10 هي أكتر نسبة متداولة عشان بتعلى ال Engagement 

زمان واحنا عيال في حصة المجالات كنا بنحط بذرة الفول في حتة قطن مبلولة ولما تنبّت كنا بننقلها علبة زبادي فيها شوية تراب كنا مستنيين بمنتهى البراءة نشوف الفول لما يكبر والنبتة يطلع عليها ثمر الفول 

دلوقتي : أنا بفكر أزرع فول في البلكونة ولما ينبت أنزل أبيعه في السوق :D 

الحياة بتبهدل برضه :D